Татарстан Рәисе Рөстәм Миңнеханов ике тапкыр Стэнли Кубогы иясе булган Фил Эспозитоны Татарстанда кабат күрергә шат булуын белдергән.
Бу хакта ул MAX мессенджерындагы каналында язган.
«Фил әфәнде, сезне Татарстанда күрергә һәрвакыт шатмын!» — дигән Миңнеханов, хоккейчы белән бергә төшкән фотосын урнаштырып.
Эспозито «ТАСС» агентлыгына биргән интервьюсында Татарстанга һәм Казанга килергә теләве турында сөйләгән. Ул бозга чыккан Рөстәм Миңнехановның республика җитәкчесе икәнен белмичә, киңәшләр биргән булган.