Бу хакта РИА Новостига Россия педиатрлар берлеге президенты, Россия Сәламәтлек саклау министрлыгының профилактик медицина буенча штаттан тыш баш балалар белгече Ләйлә Намазова-Баранова әйткән.

"Әгәр хатын-кыз үзенең сәламәтлеген күзәтеп торса, сәламәт яшәү рәвеше буенча барлык киңәшләрне үтәсә, ул 30 яшендә дә, 35 яшендә дә беренче баласын сәламәт таба ала", – дигән Намазова-Баранова. Ул йөклелекне хроник авырулардан башка планлаштырырга кирәк, дип тә өстәгән. Нәкъ менә шуңа күрә, педиатрлар берлеге президенты сүзләренчә, даими профилактик тикшерүләр узарга, шул исәптән табиб-гинекологка да күренеп торырга кирәк.

Элегрәк Намазова-Баранова 30 яшьтә беренче бала табу Россиядә хатын-кызлары өчен нормага әйләнүен әйткән иде.

Сүз уңаеннан, хәзерге вакытта Татарстанда “Һәр кешегә сәламәтлек” төбәк проекты гамәлгә ашырыла.