Бу хакта Татарстан Министрлар кабинетында узган брифингта республиканың Инвестицион үсеш агентлыгы җитәкчесе Талия Миңнуллина әйтте. “Быелгы форумда 100 дән артык ил катнашачак.

Соңгы мәгълүматларга караганда, аларның саны – 103. Тик нәтиҗә ясарга иртәрәк, форум башланды гына. Ничек кенә булмасын, бу – безнең өчен рекорд сан. “КазанФорум”да беркайчан да бу кадәр ил вәкилләренең катнашканы юк иде әле”, – диде ул.

Талия Миңнуллина сүзләренә караганда, Россия Президенты Указы нигезендә форум 2023 елдан бирле федераль статуска ия.

Сүз уңаеннан, хәзерге вакытта “Нәтиҗәле конкурентлыкка сәләтле икътисад” илкүләм проекты гамәлгә ашырыла.